Светот изгуби околу милијарда барели нафта во изминатите два месеци, а на енергетските пазари ќе им треба време да се стабилизираат дури и ако протокот продолжи, изјави во неделата главниот извршен директор на Saudi Aramco, Амин Насер.
Тој, исто така, нагласи дека компанијата, и покрај проблемите, има јасна цел.
„Нашата цел е едноставна: да го одржиме протокот на енергија, дури и кога системот е под оптоварување“, изјави Амин Насер откако Aramco објави пораст од 25% на нето добивката во првиот квартал.
Глобалните резерви на енергија се нагло намалени поради блокадата на Ормутскиот теснец од страна на Иран, што го ограничи превозот и ги зголеми цените по војната меѓу САД и Израел.
„Повторното отворање на рутите не е исто што и нормализирање на пазарот кој е лишен од околу милијарда барели нафта“, рече Насер, додавајќи дека годините на недоволно инвестирање го заострија притисокот врз веќе ниските глобални резерви.
Aramco го користи својот нафтовод Исток-Запад за да го заобиколи Хормуз и да транспортира сурова нафта до Црвеното Море, ресурс што Насер го опиша како клучен спас за ублажување на глобалната криза во снабдувањето.
И покрај промените во транспортните правци, Насер повтори дека Азија останува клучен приоритет за компанијата и е централна за глобалната побарувачка.
(Klix.ba)
(фото: Vocal Media)
