Со неколку исклучоци, демографски гледано, повеќето земји имаат повеќе или помалку рамномерен сооднос мажи-жени, некаде околу 50 проценти, со неколку процентни поени повеќе или помалку на едната или другата страна. Во Источна Европа процентот на жени во населението е поголем, делумно поради повисоката стапка на смртност кај мажите во зрелоста. Тоа е тренд што се протега низ поголемиот дел од Европа.
Според неодамнешниот извештај на Евростат, има повеќе жени отколку мажи во секоја земја во Европската унија (104,4 жени на 100 мажи). Ова важи низ цела ЕУ, освен во Малта, Шведска, Луксембург и Словенија. И има една земја каде што овој сооднос е уште поизразен. Тос е Латвија, која има 15,5 проценти повеќе жени од мажи, повеќе од три пати повеќе од просекот во ЕУ.
На секои 100 жени околу 20 не можат да најдат дечко. Ако застанете на улица во градот, ќе видите само убави, високи и многу привлечни жени. Во Латвија жените толку многу сакаат да се омажат што се подготвени значително да ги намалат своите критериуми. За нив не е важно дали имате добра работа или пари. Многумина се дури и подготвени да ви понудат куќа и автомобил за да ве освојат. Има свекрви кои само за да имаат зет дури и го вклучуваат семејното лозје во договорот.
Латвија, исто така, има сè постаро население. Во текот на 2020-те години – од 1 јануари 2004 година до 1 јануари 2024 година, ЕУ забележа зголемување од 2,3 процентни поени на бројот на луѓе над 80 години. Во Латвија, една од земјите со најголем раст, процентот на населението над 80 години се зголеми од 2,9 на 6,1 процент.
Недостатокот на мажи веќе предизвикува проблеми во Латвија. Многу жени не се заинтересирани за „направи сам“ работи и сметаат дека е корисно да имаат маж околу куќата за да прави водоводџиски работи, склопување мебел, столарија или да поправа неисправни инсталации или електрични апарати.
Побарувачката е толку голема што се основани цела низа компании кои нудат услуги за „изнајмување сопруг“. Компанијата Remontdarbi во Рига им овозможува на жените да „ангажираат сопруг со „златни раце“ на час“. Искусните мајстори пристигнуваат во рок од еден час, подготвени да преземат каква било задача, едноставна или сложена.
А за латвиските жени кои сакаат да се смират, да стапат во долгорочна врска и можеби да основаат свое семејство, работите воопшто не се лесни.
(Byka.com)
