Најголемиот германски синдикат се избори за 28-часовна работна недела

- Advertisement -

Најголемата и најмоќна синдикална организација во Германија, IG Metall, се избори за зголемување на платите на индустриските работници за 4,35%, но она што беше дочекано како уште подобра вест е стекнувањето на право на 28-часовна работна недела.

Како што пишува Financial Times, синдикатот објавил дека е постигнат договор со работодавното тело во југозападна Германија после што е најавено дека оние 900 илјади работници од металната и електричната индустрија кои штрајкуваа, ќе се вратат на работа.

„Колективниот договор е клучен момент на патот кон модерен самоопределувачки работен свет.“, изјавил Јорг Хофман, раководителот на синдикалната организација после преговорите во Штутгарт кои траете тринаесет часа.

- Advertisement -

Со договорот, освен што платите ќе бидат покачени од 1 април годинава, работниците ќе добијат и еднократен износ од 100 евра за периодот од јануари до март. Дополнително, сите вработени ќе добијат фиксна сума од 400 евра од следната година плус колективно добиената сума од 27,5% од месечната плата.

Сподели!
- Advertisement -