Потпишан договор со германската компанија „ВИК“, која во индустриската зона во Прилеп и ќе произведува кафемати. Почетната инвестиција е шест милиони евра и 60 вработени.
По Кина и Индонезија, Македонија е третата дестинација во која „ВИК“ отвора производствен погон со почетна инвестиција од 6 милиони евра и 60 работни места. За следните пет години, планирано е инвестицијата да се зголеми на 12 милиони евра и 1.000 нови вработувања.
“Компанијата ќе добие помош согласно законот за ТИРЗ, но и помош предвидена со новите мерки од планот за економски раст. А тоа значи ослободување од данокот на добивка, персоналниот данок, царински давачки, но не и ослободување од социјалните придонеси, кое претходната влада го користела како дискреционо право. Со новите мерки, компанијата ќе има право на поврат на 10 проценти од инвестициите и 10 проценти ако освојат нови пазари. За отворање на секое работно место со нето-плата од 18.000 денари тие ќе можат да направат поврат 20 проценти од средствата“, изјави вицепремиерот за економски прашања, Кочо Анѓушев,.
Директорот на „ВИК Македонија“, Хелмут Румлер, рече дека освен што ќе произведуваат и ќе користат локални производи и работна сила, тие ќе се грижат и за животната средина и струја за производство ќе користат преку фотоволтаици.
