-2.7 C
Skopje
вторник, декември 1, 2020

Леталото на НАСА вечерва ќе собира примероци од астероид

Kabtel desktop

Вселенското летало на НАСА ќе се обиде да ја собере првата колекција примероци од еден астероид.

Вселенското летало Osiris-Rex , што е скратено од Origins, Spectral Interpretation, Identification of Resource, Security-Regolith Explorer, треба да собере примероци од астероидот Бену и да ги донесе на Земјата за понатамошни истражувања.

Бенну е оддалечен 290 милиони километри од Земјата и може опасно да се приближи до нашата планета во следниот век, иако шансите за судир се мали.

Озирис-Рекс, кој бил лансиран во 2016 година и е со големина на поголемо комбе, на неколку метри ќе се обиде да се приближи до астероидот, а потоа со помош на роботска рака наречена Tagsam (Touch-And-Go Sample Acquisition Mechanism) ќе собере примероци.

Тагсам ќе го допира астероидот пет секунди, исфрлајќи азот под притисок за да ја размрда неговата површина и ќе исцица примероци со тежина од 60 до 2000 грама пред да се повлече. Директен пренос на пристапот на леталото до астероидот може да се следи на веб-страницата на НАСА и ќе започне во 21:00 часот по Гринич или во 23:00 часот по наше локално време.

Заради далечината, на комуникациите и наредбите им требаат околу 16 минути за да стигнат до Озирис-Рекс. Вселенското летало со примероци од Бенну до Земјата се очекува да се врати во септември 2023 година.

НАСА се надева дека мисијата вредна милијарди долари ќе ја открие тајната за потеклото на нашиот Сончев систем, како и изворот на вода и органски молекули пронајдени на Земјата.

Сподели!
  •  
  •  

НАЈПОПУЛАРНИ

Сподели!
  •  
  •