-8.2 C
Skopje
четврток, јануари 20, 2022

Се намалува осветлувањето на јавните патишта заради енергетската криза

Kabtel desktop

Јавното претпријатие за државни патишта (ЈПДП) започна постапка за дополнително етапно спроведување на максимална рестрикција на осветлувањето поставено на државните патишта, со запазување на безбедноста на сообраќајот во ноќните часови, информираа преку нивната Фејсбук страница.

Рестрикции на осветлувањето пак нема да се вршат во тунелите на државните патишта во земјава, додаваат тие.

ЈПДП започна со намалување на осветлувањето во ноември минатата година, спроведувајќи ја одлуката на Владата со која се предвидува минимален сигурносен обем на осветлување на улици, плоштади и други објекти, која ги опфаќа и патиштата, со цел растеретување на енергетскиот систем од недостиг на електрична енергија во земјава.

Оттука тие ги повикаа возачите да ја прилагодат брзината на движење спрема условите на патот и да бидат внимателни заради нивна безбедност и безбедност на останатите учесници во сообраќајот.

Сподели!

НАЈПОПУЛАРНИ

Сподели!