Еден крајбрежен град на југот на Шпанија ги има најсреќните иселеници во светот, покажа најновиот извештај на Меѓународната организација за тоа каде луѓето најбрзо напредуваат во странство.
Малага, Шпанија е прогласена за град број 1 за иселеници врз основа на одговорите на над 12.000 поединци кои живеат во 172 земји или територии. Малага е најдобро оценет град ширум светот за локална љубезност, каде што 89% од иселениците велат дека локалното население е посебно пријателски настроено кон странците во споредба со 65% од иселениците кои тоа исто го велат ширум светот. Крајбрежниот град исто така е познат по убавото време, разните можности, пристапните цени за сместување и прифатливите трошоци за живот.
Има најниски резултати поради условите за работа во странство. Новодојдените тврдат дека локалниот пазар на труд не е сјаен, но додаваат дека е на прво место за поддржување на добриот баланс меѓу работата и приватниот живот.
Два други шпански градови се на врвот на листата. Аликанте е на второ место и се истакнува по достапното и евтино сметување, а на трето место е Валенсија, кој е на врвот на листата по тоа што има извонредни можности за здравствена заштита.
Еве ја целосната листа со топ 10 најдобри градови за иселеници:
- Малага, Шпанија
- Аликанте, Шпанија
- Валенсија, Шпанија
- Рас Ал Каимах, ОАЕ
- Абу Даби, ОАЕ
- Мадрид, Шпанија
- Мексико Сити, Мексико
- Куала Лумпур, Малезија
- Бангкок, Тајланд
- Мускат, Оман
Рангирањето, кое го објави онлајн заедницата Internations, анализираше 49 глобални градови во пет главни области: квалитет на живот, леснотија на стекнување пријатели и чувство на добредојденост, работа во странство, лични финансии и севкупниот индекс „основа за странци“. Одговорите на анкетата се собрани во февруари, а се објавени во ноември.
На самото дно на листата е Милано, Италија, каде што иселениците велат дека е вистински предизвик да се справат со бирократијата, да отворат сметка во банка, да добијат виза и да најдат сместување. Други светски градови кои се лошо рангирани на листата се Рим, Ванкувер, Хамбург, Берлин и Даблин.
(Bizlife)
(фото: Flickr)
