Научници од НАСА со помош на вселенскиот телескоп James Webb открија дебел слој на атмосфера околу карпеста планета дупло поголема од Земјата, позната како 55 Cancri-e. Тоа го покажа истражувањето на научници на НАСА од Лабораторијата за млазен погон, кое е објавено во списанието Nature.
Планетата 55 Cancri-e е супер Земја, што е назив за планети кои се потопли од Земјата, но се помалку топли од Нептун. Оваа планета е меѓу неколку карпести планети надвор од Сончевиот систем со атмосфера составена од јаглерод-диоксид и јаглерод-моноксид.
Температурата на вриење на оваа планета, која може да достигне дури 2.300 степени Целзисуови, значи дека е малку веројатно дека на неа постои живот пренесува ABC News. Научниците велат дека ова откритие е знак дека може да постојат и други такви карпести планети со густа атмосфера кои може да се погостопримливи.
Егзопланетата е оддалечена 41 светлосни години и е осум пати потешка од Земјата, а кружи околу својата ѕвезда Коперник толку блиску што има постојани дневни и ноќни страни. Површината на Cancri-e е покриена со океани од магма, а за да се идентификува составот на нејзината атмосфера истражувачите проучувале снимки од вселенскиот телескоп James Webb пред и откако планетатта поминала зад својата ѕвезда.
Гасовите од океаните од магма може да играат клучна улога во одржувањето на стабилната атмосфера, Истражувањето на оваа супер Земја може да даде траги за тоа како Земјата и Марс можеле прво да еволуираат од океаните од магма, кои оттогаш се изладиле, велат научниците.
(021)
(фото: Flickr)
