Научници открија дека на жените им требаат во просек 20 минути повеќе сон од мажите, а причината за тоа лежи во фактот што женскиот мозок работи поинтензивно и покомплексно во текот на денот. Студијата, спроведена на примерок од 210 средовечни мажи и жени, покажа дека поголемата ментална активност кај жените доведува до поголема потреба за обновување на мозНа жените им треба повеќе сон затоа што повеќе го користат мозокот од мажитеокот за време на спиењето.
Професорот Џим Хорн, поранешен директор на Центарот за истражување на спиење на Универзитетот Лафборо, објасни дека една од главните функции на спиењето е да му дозволи на мозокот да се опорави и регенерира.
„За време на длабок сон кортексот – делот од мозокот одговорен за размислување, меморија, јазик и други функции – се исклучува од сетилата и влегува во фаза на закрепнување“, рече Хорн.
Тој додаде дека жените имаат поголема потреба од сон бидејќи често извршуваат повеќе задачи одеднаш, што бара поголемо вклучување на различни делови од мозокот.
„Колку повеќе го користите мозокот во текот на денот, толку повеќе време му треба да се опорави, што значи дека ви треба повеќе сон. Жените, поради нивната способност за повеќе задачи и нивната флексибилност, користат повеќе делови од мозокот отколку мажите. Затоа им треба повеќе сон“.
Просечната разлика во потребниот сон меѓу мажите и жените е околу 20 минути, иако на некои жени може да им треба малку повеќе или помалку од тоа.
Сепак, професорот Хорн истакна дека мажите кои работат сложени работи кои вклучуваат донесување одлуки и креативно размислување, исто така, може да имаат зголемени потреби за сон.
(b92)
(фото: stocksnap.io)
