Британските министри размислуваат да забранат продажба на мобилни телефони на помлади од 16 години. Мотивацијата за оваа забрана лежи во загриженоста за сеприсутното насилство на интернет, пристапот до порнографија и изложеноста на насилни содржини.
Поддржувачите на забраната тврдат дека насилната содржина на Интернет делумно го поттикнала насилството меѓу тинејџерите. Истражувањата покажуваат дека многу родители би ја поддржале оваа мерка.
Според истражувањето на организацијата Parentkind, 58% од родителите ја поддржуваат забраната за паметни телефони за деца под 16-годишна возраст, додека истражувањето на истражувачката компанија More in Common покажува дека дури 64% од родителите го делат тоа мислење.
Сепак, спроведувањето на оваа забрана не е сигурно. Повеќето од проблемите што забраната се обидува да ги реши се веќе делумно покриени со Законот за безбедност на Интернет. Освен тоа, некои конзервативци сметаат дека државата не треба да се меша во родителските одлуки.
Еден владин извор вели: „Улогата на државата не е микроуправување со родителите; целта е да се зголеми нивната свест за постоечките ограничувања и алатки за контрола на содржината“.
Иако сè уште се разговара за забраната, доколку биде донесена, таа би била значајна пресвртница во глобалното движење за заштита на децата од опасностите на онлајн светот. Додека некои земји веќе им забранија на децата пристап до социјалните мрежи, забраната за продажба на мобилни телефони на тинејџери ќе биде чекор понатаму во контролата на технологијата и безбедноста на младите.
(021)
(фото: Facebook)
