Од денеска и официјално стапуваат во сила измените во Законот за финансиска поддршка на родители со деца. Со овие измени на законот се овозможи зголемување на висината на родителскиот додаток за децата родени на 1 јануари 2024 година.
Со измените на законот зголемениот родителски додаток за прво дете ќе изнесува 500.000 динари како еднократна парична помош. Надоместоците за второ, трето и четврто дете ќе се исплаќаат на еднакви месечни рати, во текот на растењето на детето.
Паричната помош за второто дете е 600.000 динари, со еднократна парична помош од 135.000 динари. Родителскиот додаток за трето дете ќе изнесува 2,28 милиони динари, кои ќе се исплаќаат месечно во текот на неколку години, со еднократен додаток од 135.000 динари.
Надоместокот за четврто дете ќе изнесува 3,18 милиони динари (исто така не се плаќа одеднаш). Со измените на овој закон се предвидува почеток на работата на Комисијата за субвенционирање на првиот недвижен имот за брачни двојки во Србија.
Младите брачни парови со деца имаат право на субвенција во износ од 20.000 евра за купување на нивниот прв имот, но целата документација мора да се подигне и регистрира во рок од една година од раѓањето на првото дете.
Фото- Pexels
