Конечно имаме научна причина да резервираме одмор на вода. Според научниците, крстарењето не е само одличен начин да се опуштиме и да истражуваме различни дестинации, туку е добро и за нашиот мозок.
Без разлика дали одиме по песокот, седиме во чамец на неговата површина, нуркаме под брановите или само го набљудуваме или медитираме покрај него, морето ни овозможува да ги оставиме нашите ментални борби на страна и да се чувствуваме слободни.
Зошто морето толку силно го привлекува човекот Човечките солзи и пот се толку слични во составот на солената морска вода што постои изненадувачки афинитет меѓу тоа како функционираат елементите на морето и нашите тела. Оваа врска има дури и име: биофилија. Хипотезата за биофилија е една од трите главни теории кои објаснуваат зошто морето е толку привлечно за луѓето. Другите две се теоријата за закрепнување од психофизиолошки стрес и теоријата за враќање на вниманието. Овие идеи не се исклучуваат меѓусебно и сите три придонесуваат за чувството на благосостојба што ни го пружа морето.
Морето може да ни помогне да го најдеме она што психолозите го нарекуваат „реставрација“, а ова чувство на благосостојба е нешто што често се бориме да го најдеме сами. Тоа бесконечно синило може да биде моќна алатка за намалување на стресот и за подобрување на нашето расположение.
Нашата поврзаност со природата ни помага да ги поставиме нашите грижи во перспектива – на овој начин го враќаме нашето целосно внимание со отстранување на преокупациите кои доминираат во нашето внимание во секојдневниот живот.
Сепак, резултатите од новото истражување покажаа дека одењето на патување по море или океан, односно крстарење, може да има различни когнитивни придобивки. Анализата направена на крстаречкиот брод Cunard Queen Mary 2 за време на едно од неговите трансатлантски патувања од Саутемптон до Њујорк покажа дека само пет дена на море можат да ја подобрат меморијата, логичното расудување, перцептивните способности и решавањето проблеми за 26%.
Како дел од невронаучната студија, спроведена од истражувачката компанија „Human Understanding Agency, биле забележани 40 гости од целиот свет за време на патувањето кое траело седум ноќи.
Во рок од пет дена меморијата на зборовите се подобрила за 29%, што укажува на подобрување на краткорочната меморија, додека учесниците биле за 125% подобри во решавањето проблеми.
Распонот на вниманието се подобрил за 14% бидејќи патниците станале подобри во фокусирањето на визуелните задачи, додека релаксацијата се зголемила за 158%, а целокупните нивоа на физиолошки стрес се намалиле за 35%. Голем дел од подобрувањето се припишува на ефектот на океанот за ослободување од стрес.
„Престојот на бродот јасно го намали стресот на патниците, врз основа на субјективни и објективни мерки. Главниот хормон на стрес кортизол е добро познат во научно-истражувачката литература како нарушувач на различни когнитивни процеси“, вели д-р Џек Луис, експерт за невронаука.
Зголемувањето на меморијата и капацитетот за расудување идентификувани во оваа студија, посочува Луис, најверојатно ќе се припишат на ефектите за ослободување од стрес од патувањето по океанот.
„Кога ова ќе се комбинира со неверојатна низа стимулативни активности на единствениот океански брод во светот, тоа ќе му овозможи на мозокот на патникот да го отклучи својот целосен потенцијал“, објаснува д-р Луис..
(N1)
