Дегустирањето на локалната кујна е исто толку клучно за посета на нова земја како и гледањето на сите главни знаменитости, но европските ресторани варираат многу кога станува збор за буџетот што ќе ви треба за да покриете оброк за двајца.
Ferry GoGo, веб-страница за споредба на фериботи, спроведе истражување и состави листа со европски земји, почнувајќи од најскапата до најевтината, врз основа на просечната цена на вечера од три јадења за двајца (без пијалоци) во она што го опишува како ресторан од „средна класа“.
Па, каде ќе добиете најмногу за вашите пари? Па, тоа би било во Косово, каде што оброк од предјадења, главни јадења и десерти ќе ве чини само околу 20 евра. По неа следат Северна Македонија (24,38 евра) и Молдавија (30,32 евра), па очигледно регионот е местото каде што треба да бидете за прифатливо јадење.
Но, што ќе најдете во менито? Националното јадење на Косово е флија, пита направена од слоеви палачинки кои се сместени помеѓу кремаста мешавина од јогурт, путер и сирење, која е компресирана и зготвена под метален капак. Полнети пиперки, кисел зеленчук и, секако, баклава се исто така главни јадења во менито, па ќе има многу срдечни јадења за уживање. О, и не заборавајте да пробате едно од познатите макијато во земјата.
На другиот крај од спектарот, каде што вечерата надвор ќе ве чини прилично многу пари, е Швајцарија. Сигурно никој не е шокиран од тој податок. Просечен оброк од три јадења за двајца во швајцарски ресторан од средна класа веројатно ќе ве чини 107,24 евра, што е повеќе од четири пати повеќе од цената на еден во Косово.
Данска се најде на второто место, а Луксембург на третото, но во продолжение ги имате првите пет во секоја категорија, со вклучени цени.
Петте најевтини земји во Европа за јадење надвор:
1.Косово: 20,00 евра
2 Северна Македонија: 24,38 евра
3.Молдавија: 30,32 евра
4.Босна и Херцеговина: 30,75 евра
5 Србија: 38,34 евра
Петте најскапи земји во Европа за јадење надвор:
1.Швајцарија: 107,24 евра
2.Данска: 93,69 евра
3.Луксембург: 90,00 евра
4.Норвешка: 89,86 евра
5.Холандија, Ирска, Финска, Белгија: 80,00 евра
(Time Out)
(фото: Otsego Resort)
