Кинески научници од Институтот за истражување на метали направија голем пробив во развојот на таканаречените проточни батерии, а нивното решение би можело да го промени начинот на кој складираме електрична енергија.
Тие претставија ново решение базирано на железо, кое ветувајж долгорочно стабилно работење и значително пониски трошоци.
Тестовите на прототипот покажале дека оваа батерија може да издржи дури 6.000 циклуси на полнење, што одговара на период од повеќе од 16 години секојдневна употреба. Дури и по тој период батеријата не губи капацитет, додека ефикасноста останува на високи 78,5 проценти.
Главната предност на оваа иновација е употребата на железо, материјал кој е многу пати поевтин од литиумот, кој денес се наоѓа во речиси сите модерни уреди. Новата формула на електролит и изменетата молекуларна структура го решија долгогодишниот проблем со деградацијата на батеријата за време на работата.
Научниците успеаја да спречат формирање на штетни наслаги во системот, што претходно беше главна причина за дефекти во слични технологии. Исто така, истекувањето на активната супстанца низ мембраната е минимизирано, што обезбедува долгорочна стабилност на системот.
Оваа технологија има значаен економски потенцијал бидејќи железото е лесно достапно и многу попристапно од ретките метали.
Ваквите батерии би можеле да бидат идеално решение за масовно складирање на енергија од соларни и ветерни електрани, каде што е потребна голема моќност по пониска цена. Бидејќи побарувачката за индустриски енергетски системи брзо расте, овој кинески изум би можел да стане клучна алатка за стабилизирање на електричната мрежа.
Наместо скапи и краткорочни решенија, оваа технологија нуди долгорочна и поекономична алтернатива, која во исто време е поповолна и за животната средина и за крајните корисници,
(Interesting Engineering/Smartlife)
