Кога се отселувате во држава каде планирате да започнете семејство, постојат многу фактори кои треба да ги земете предвид, а се однесуваат на квалитетот на животот. Како иселеници, особено треба да се размислува за сместување со пристојна цена и квалитетно образование.
Анкета спроведена од InterNations, најголемата светска мрежа на луѓе кои живеат и работат во странство, вклучила оценување на 43 различни аспекти на животот во странство со оцена од 1 до 7.
Странците оцениле различни сегменти, од грижа за деца и образование, до здравството за деца и нивната безбедност. Business Insider пренесува детали за првите 19 држави рангирани според анкетата.
Ова се државите рангирани од 19. до 11. место.
19. Јужна Кореја
Подобрувањето во сегментот за квалитетно образование ја стави државава на ова место на листата. Според извештајот од анкетата, 47% од странските родители во Јужна Кореја го оцениле квалитетот на образованието како одлично.
18. Мексико
Странските родители изјавиле дека не само што имаат добар баланс помеѓу работата и слободното време што им дава повеќе време со своите деца, Мексико добила добри оцени и во категоријата за пријателска средина кон семејствата и децата во општеството.
17. Филипини
Оваа држава е една од најдобрите во светот за квалитетно образование, за семејна стабилност, како и за одржување на пријателска средина кон семејствата и децата како и претходната.
16. Сингапур
Странците ја оцениле државава како една од најдобрите за одржување на семејна стабилност и безбедност на децата, но и како една од најлошите држави во светот според трошоците за грижа за деца и образование.
15. Јужна Африка
Ова е една од најдобрите држави во светот во однос на разновидноста на активности за децата, но уште ѝ недостига добра оцена за одржување на семејна стабилност.
14. Луксембург
Иако Луксембург добила средна оцена за достапноста на грижа за деца и образование, оцените биле повисоки за категориите како одржува стабилност на семејството и безбедност на децата.
13. Холандија
Холандија добила одлични оцени за достапноста на грижа за деца и образование, како и во категоријата квалитет на образование што најмногу придонело кон оваа висока позиција на листата.
12. Полска
Оваа држава поминала добро најмногу поради трошоците за грижа за деца и образование, како и поради квалитетот на образованието.
11. Франција
Да се зборува локалниот јазик исто така играло голема улога во оценките на странските родители. Анкетата покажала дека 36% од странските деца го научиле и зборуваат локалниот јазик, а генерално во Франција, 60% од родителите сметаат дека нивните деца се одлични во француски јазик.
