Папуа Нова Гвинеја размислува да ја блокира најпопуларната социјална мрежа во светот за да детектира лажни профили и вести, а сето тоа го прави само затоа што земјата годинава е домаќин на глобален самит. Предлогот за блокирање на Facebook на еден месец го изнесе министерот за комуникации на земјата, Сем Базил, и предложи да се замени со локална платформа, но оваа идеја беше исмеана од јавноста во Папуа Нова Гвинеја, пренесува B92.
Едномесечното укинување на Facebook би почнало во четврток и би и дозволило на владата да собере доволно информации за лажните корисници и да собере податоци за тие кои поддржале порнографија и осетливи информации на Интернет. „Ова на луѓето со вистински идентитети ќе им овозможи да ја користат социјалната мрежа на одговорен начин“ рече министерот во предлогот.
По неговиот предлог ПР службата на Facebook ги контактираше властите на Нова Гвинеја со намера без гаснење на мрежата да им се помогне да ги соберат потребните информации.
