1.6 C
Skopje
понеделник, декември 9, 2019

Најава за голема инфраструктурна експанзија

Kabtel desktop

Со почетокот на градежната сезона ќе почне забрзана изградба и рехабилитација на најголем дел од патната мрежа во Македонија во вкупна вредност од милијарда и 270 милиони евра

Годинава во Македонија ќе се инвестираaт 1,24 милијарда евра во нови патишта и реконструкција на постоечката патна инфраструктура во должина од над 770 километри.  Тие активности треба да обезбедат заздравување и раст на градежништвото, а во нив директно или индиректно ќе бидат вклучени околу 10.000 лица, ветија премиерот Зоран Заев и владиниот економски тим, кои ветуваат патишта за внатрешно и поврзување на државата со соседите, со цел побрзи транспортни услуги и за граѓаните и за компаниите.

Годинава се планира да почнат нови проекти за изградба и рехабилитрација на 43 патишта и да продолжи изградбата и реконструкцијата на 27 патни правци.

Стратешки приоритет е продолжувањето на изградбата на автопатот Кичево-Охрид, пуштањето во употреба на автопатот Миладиновци-Штип, стартот на изградба на автопатот Скопје – Блаце.

Како што информира вицепремиерот за економски прашања Кочо Анѓушев, по ланските завршени 192 километри патишта во вредност од само 30 милиони евра, сега се во тек проекти во вредност од 1,035 милијарди евра во должина од 365 километри, а годинава ќе почне да се работи на патишта во должина од 421 километар со инвестиција од 236 милиони евра.

– Вкупно се интервенира на 977 километри со милијарда и 300 милиони евра, проекти кои се обезбедени и технички и финансиски, рече Анѓушев.

Според него, минатата година не е изгубена за градежништвото и е искористена за подготовка на проектите кои годинава ќе го зголемат растот во тој сегмент.

Според министерот за транспорт и врски Горан Сугарески,  40-ина патишта во вредност од над 230 милиони евра и вкупна должина од 420 километри се подготвени за рехабилитација или реконструкција.  Меѓу тие се изградбата на автопатот Скопје –Блаце, реконструкција на автопатот од Катланово до Петровец, стартот на вторите фази од експресните патишта Штип-Радовиш и Штип-Кочани, како и последниот дел од експресниот пат Градско-Прилеп, реконструкција на регионалниот пат Ранковце-Крива Паланка, доизградба на трета лента на потегот од Крива Паланка до преминот Деве Баир.

Министерството за транспорт е во завршни преговори со Светска Банка за обезбедување 70 милиони евра за изградба и реконструкција на локални патишта.

Сподели!
  •  
  •  

НАЈПОПУЛАРНИ

Сподели!
  •  
  •