20 C
Skopje
сабота, јули 4, 2020

Од 80 милијарди од “Хоризонт 2020“ Македонија искористила 7,3 милиони евра

Kabtel desktop

Од вкупно достапни 80 милјарди евра од европската програма „Хоризонт 2020“, домашните компании за седум години искористиле едвај 7,3 милиони евра. Долгите административни процедури, слабиот капацитет на фирмите и недоволно иновативните идеи сe главната причина за слабата искористеност

Од Стопанската комора на Македонија велат дека по влезот на земјава во ЕУ фирмите на располагање ќе имаат многу повеќе можности и пари за кои ќе треба да се оспособат за да можат да ги користат. Пречка се и финансиските средства кои треба да ги вложат за реализација на инвестицијата. Затоа е потребно формирање на посебен Гарантен фонд. Тие сметаат дека искористеноста на овие фондови е се` уште многу мала (околу 20%) заради огромната документација, сложеноста на апликативниот процес, но и покрај тоа неопходно е компаниите да се охрабрат и да влезат во процес на аплицирање пред се` затоа што тоа значи нивна подготовка за искористување на многу поголеми фондови кои ќе бидат достапни со отпочнување на самите преговори но и по влезот во Европската унија кога на располагање ќе ги имаме кохезионите и структурните фондови

Кога зборуваме за комплицираност на апликативните процедури и самата апликацаа како таква, тие навистина се големи и долотрајни и бараат многу информации. Придонесува може би за обесхрабрување но тоа е нешто што мора да се навикнеме и да го применуваме почесто во иднина“, рече Јадранка Аризанковска, Стопанска комора на Македонија.

Од Комората велат дека од освен малата искористеност на средствата од програмата Хоризонт 2020, за инструментот за мали и средни претпријатија кој е дел од оваа програма ниту една македонска фирма досега не успеала да добие пари. И реализацијата на ИПАРД не е завидна, иако бележи зголемување. Од 2007 до 2014 година била 17 отсто за ИПАРД 1, а за ИПАРД 2, од 2014 до 2020 досега е 22 проценти.

Програмата „Хоризонт 2020“ претставува финансиски инструмент на ЕУ со кој се поддржуваат истражувањето и иновациите, со крајна цел за економски раст,  креирање на нови работни места и конкурентност. Располага со буџет од над 80 милијарди евра за период од  2014 до 2020 година. За овој двегодишен период ( 2018-2020) на располагање се 30 милијарди евра.

Програмата „Хоризонт 20 – 20“ за истражување и иновации што во периодот 2014 – 2020 година беше проектирана на 80 милијарди евра за сите европски земји, по 2021 година ќе биде реименувана во „Хоризонт Европа“ и ќе има буџет од 100 милијарди евра. За приватниот сектор кофинансирањето од европските фондови е 50 – 70 проценти, а за институциите и до 100 отсто.

Сподели!
  •  
  •  

НАЈПОПУЛАРНИ

Сподели!
  •  
  •