Корисниците на Gmail наскоро ќе имаат опција за одложено испраќање на мејлови

Корисниците на Gmail одамна чекаат на опцијата правење распоред на праќањето на пораките. Тоа на многумина би им ја олеснило работата, а се чини дека наскоро ќе можат да уживаат во оваа опција. Најновата надградба на Gmail за Android уредите ќе вклучува и опција за закажување на имејлови. Така, на пример, ќе можете да го одложите испраќањето на мејлот за десет минути или за десет дена.

Покрај оваа опција, корисниците ќе можат и да откажат планирано испраќање на имејл. Закажаните и планирани мејлови ќе бидат испратени и ако бидете офлајн или ако ви се испразни батеријата на телефон.

Како што пишуваат странските медиуми, постои можност Gmail да ја стартува новата опција за својот 15-ти роденден.