Како што нашата планета станува пренатрупана со отпад кој не може да се рециклира, да се преработи или буквално да се уништи, дизајнерите и научниците од целиот свет бараат алтернативи за пластичните производи кои ги користиме секојдневно.
Освен биоразградливата пластика, пластиката од растително потекло и сличните алтернативи, има и такви кои служат за пакување на оброците храна и може да се јадат. Едно такво решение е тоа што можете да го видите на видеото подолу. Станува збор за амбалажа од органско потекло која се одгледува, односно расте во домашни или лабораториски услови.
Оваа амбалажа нема потреба да се фрла кога ќе ја коснумираме храната, туку ја консумираме заедно со храната и претставува одличен извор на протеини. Амбалажата е производ на процес на ферментација на бактерии, како резултат на кој се добиваат повеќе слоеви од ваквата мембрана. Креаторот на овој изум е полската дизајнерка Пола Јануш, која хранела габа комбуха со екстракт од земјоделски отпад.
Секој слој од оваа мембрана расте за две недели и ја одржува храната во него свежа најмалку шест месеци. На овој начин производителите на храна можат да си произведуваат сопствена амбалажа и да ги доставуваат своите производи до крајните корисници без да создаваат никаков отпад.
