Нови цени на горивата

Регулаторната комисија за енергетика денес ги објави новите малопродажни цени на горивата, кои ќе почнат да важат од ноќеска на полноќ.

Според новата одлука на Комисијата, генерално, цените остануваат исти, со исклучок на Еуросупер 95, чија цена ќе се намали за о,5 денари и од ноќеска на полноќ еден литар Еуросупер 95 ќе се продава по цена од 67,5 денари.

Цените на Еуросупер 98 и Еуродизел остануваат исти, односно овие горива и неделава ќе се продаваат по малопродажна цена од 70, односно 62 денари за литар соодветно.

За еден денар по литар е намалена цената на екстралесното масло за домаќинство, чија цена од полноќ ќе биде 50,5 денари за литар.