Нови цени на горивата

Регулаторната комисија за енергетика денеска напладне ги објави новите цени за горивата кои ќе важат од ноќеска на полноќ до идниот понеделник.

Според новиот ценовник, малопродажните цени на Еуросупер БС-95 и Еуросупер БС-98 се зголемуваат за 0,50 денари за литар и од ноќеска литар Еуросупер БС 95 ќе се продава по 68.50, а Еуросупер БС 98 по 70,50 денари за литар.

Малопродажните цени на Еуродизел и на екстралесното масло за домаќинство (ЕЛ-1) се намалуваат за 1 денар за литар, па новата цена на Еуродизел ќе биде 61,00 денари за литар, а на екстралесното масло за домаќинство 50,00 денари за литар.