0.5 C
Skopje
среда, април 1, 2020

Седум трикови како подобро да спиете и да се одморите

Kabtel desktop

Сите знаеме дека сонот е неопходен за доброто здравје, но многу малку луѓе го сфаќаат сериозно спиењето. Знаеме да се шегуваме дека спиеме само по неколку часа и понекогаш дури и се гордееме дека можеме да функционираме со толлку малку сон, но лишувањето од сонот се смета за епидемија со далекусежни последици. Во 2016 година Центарот за контрола и превенција на болести го прогласи скратувањето на сонот за јавно здравствен проблем и таа состојба не се поправа.

Изгледа дека многу луѓе го прифатија фактот дека нивната трајна состојба е замор и исцрпеност, но не смееме да се откажеме од здравиот сон. Стресот и недостигот од сон се опасна комбинација, што резултира со проблематичен волшебен круг.

Сите знаат дека недостигот од сон влијае на работната сила. Добриот одмор ноќе е неопходен за јакнење на имунолошкиот систем и емоционалната отпорност, помага во решавање тешки ситуации и одржување на фокусот.

Истражувачи од Универзитетскиот колеџ Лондон открија дека сонот се регулира во мозокот. Во суштина, студијата открила дека интензитетот на мозочните активности ја поттикнува потребата за сон. За прекин на бессоните ноќи потребно е трпение, пракса и внимателност .Имајте на ум дека ако не можете сами, можете да побарате стручна помош. Еве неколку совети како да спиете подобро.

Управувајте со своите уреди

Сите сме го чуле овој совет и да го исклучиме интернетот на телефон пред да си легнеме. Обидете се да го намалите времето поминато гледајќи во екранот од телефонот. Ако телефонот го користите како будилник, ставете на начин на летање пред да легнете да спиете. Замислете ја спалната соба како засолниште и чувајте ја што помирна и поопуштена.

Слушајте музика

Некои луѓе спијат подобро ако слушаат тивка музика, особено ако околината е бучна, за да ги придушат звуците што им пречат. Слушањето смирувачка музика пред спиење може да ви помогне да се опуштите.

Бидете доследни

Исто како што повеќето деца имаат одреден час кога легнуваат да спиајт, корисно е да се држите до таа пракса и како возрасна личност. Уморното тело ќе има корист од рутината. Обидете се секоја вечер да одите на спиење во исто време.

Пробајте медитација

Медитацијата пред спиење, дури и 5-10 минути пред да легнете, може да ви ја смени свеста и да ви го смири умот и телото. Многу апликации за медитација се посебно дизајнирани да ви помогнат да се опушттие и да заспиете.

Околината е битна

Некои фактори од околината имаат големо влијание на квалитетот на сонот. Осигурајте се дека вашата соба е што потемна или носете маска за спиење. /следете ја температурата во спалната соба и настојувајте да е поладно, а не потопло. Идеалната температура за оптимален сон во спалната соба е 17 до 20 степени Целзиусови.

Поставете намера

Констурктивните репетитивни мисли ги зајакнуваат позитивните ставови и однесувања. Престанете да им зборувате на другите дека не можете да спиете. Следниот пат кога ќе почнете да размислувате негативно за спиењето, обидете се да се фокусирате на позитивна намера од типот „Веќерва ќе заспијам лесно и брзо“. На пчочеток ќе ви се чини чудно, но не се откажувајте. Со тек на време ќе ги смените навиките на спиење.

Внимавајте на последниот оброк

Јадењето тежок оброк пред спиење не е добра идеја, но има некои продукти кои во умерени количини можат да ви помогнат добро да се одморите. Такви се бадемите, сокот од вишна итн. Многу доктори, исто така, препорачуваат земање на магнезиум пред спиење.

Сподели!
  •  
  •  

НАЈПОПУЛАРНИ

Сподели!
  •  
  •