-1.2 C
Skopje
четврток, декември 2, 2021

Вештачката интелигенција на Huawei шест пати побрзо поставува дијагноза на корона вирусот

Kabtel desktop


На онлајн конференцијата наречена „Сузбивање на КОВИД 19 со помош на технологија“, Huawei претстави технолошки решенија кои значајно помогнаа во превенцијата на ширење на корона вирусот во Кина. Успехот е постигнат благодарение на комбинација од технологии кои ги развива Huawei, а тоа се 5G мрежата, Huawei Cloud и вештачката интелигенција. Комбинацијата од тие технологии овозможува полесна, побрза и поефикасна дијагностика и комуникација со експерти од земјата и од светот.

За помалку од еден месец од првиот случај на корона вирусот Huawei Cloud со помош на вештачка интелигенција беше имплементиран во 20 болници ширум Кина, а поради постигнатиот успех Huawei Cloud денес се користи во повеќе од 100 болници ширум светот.

Примената на вештачката интелигенција се покажа пресудна и за брзо дијагностицирање на болеста, со што не само што е овозможена обработка на податоци од повеќе личности, туку и дополнително се растеретени докторите. Технолгијата за вештачка интелигенција на Huawei овозможи дури шест пати побрзо дијагностицирање на вирусот во однос на времето кое им е потребно на докторите.

Имено, на еден доктор му се потребни 12 минути за дијагностика и две минути за пишување на наодот, а со вештачката интелигенција дијагнозата е поставена за само 10 секунди, по што е потребна двеминутна потврда од доктор и изработка на наод а само 30 секунди.

Понатаму, закраток рок со користење на вештачка интелигенција и повеќе од 10 милиони симулации, меѓу 8.506 постојни лекови и 160 милиони молекуларни состави пронајдени се пет потенцијални лекови. Времето кое би им било потребно на докторите да направат ваква анализа е значително подолго, а бројот на починати и заболени би бил многу поголем.

„Во борбата против корона вирусот има три клучни решенија. Првото е користење на вештачка интелигенција во здравството, второто е онлајн образование затоа што не смее за сопре образованието и третотот е работа во облак за компаниите да продолжат со нормална работа, а последиците врз економијата да бидат што помали. Во глобалната борба против корона вирусот треба да делуваме заедно и да го спречиме ширењето на вирусот што побрзо. Ние успеавме во тоа благодарение на Huawei Cloud и вештачката интелигенција, а резултати покажуваат и други земји кои го имплементирале нашиот систем“, велат од Нuawei Cloud.

Сподели!

НАЈПОПУЛАРНИ

Сподели!