-1.2 C
Skopje
среда, декември 1, 2021

Во Австралија се печатат куќи направени од марихуана

Kabtel desktop

Изгледа дека наскоро ќе можеме да живееме во 3Д печатени куќи направени од марихуана. Австралиска компанија сега 3Д печати биопластични ѕидови, подови и кровови од марихуана, кои ќе се користат за изградба на еколошки домови.

Овие карбонски неутрални домови ќе се градат за само неколку недели и ќе складираат огромни количини јаглерод диоксид во ѕидовите. Компанијата, која ги печати, Mirreco, се надева дека панелите печатени од полимери од марихуана ќе се користат за станбени и комерцијални градби во целиот свет.

Не само што биопластиката направена од марихуана е полесна за работа отколку што е бетонот и е многу поеколошка. Биомасата од марихуана складира јаглерод диоксид во текот на растењето и го чува засекогаш кога ќе се претвори во пластика. За разлика од бетонот, марихуаната е обновлив извор. Нема доволно песок во светот за да се задоволи побарувачката за конвенционален бетон.

Специфичниот тип на песок потребен за бетонот често се собира од реки, а со тоа се уништуваат екосистемите и се заканува биодиверзитетот на растенијата, рибите и животните. Панелите направени од пластика од марихуана се структурно цврсти, лесни за производство и имаат супериорни термални перформанси.

Компанијата се здружи со архитектонска компанија за креирање дигитални прототипови на домовите кои наскоро ќе се печатат. Кога панелите ќе се испечатат, домовите се склопуваат за само неколку недели, за разлика од обичните, за кои се потребни месеци или години за изградба. Ѕидовите, крововите и подовите се направени од патентираниот полимер на Mirreco, додека прозорците имаат врвна технологија која УВ светлината ја претвора во електрицитет.

(Return To Now)

(фото: Mirreco, Instagram и веб страница)

Сподели!

НАЈПОПУЛАРНИ

Сподели!