10 C
Skopje
сабота, април 10, 2021

Жито Лукс со инвестиција во нова технологија

Kabtel desktop

Нова инвестиција реализираше компанијата Жито Лукс во фабриката за производство на леб. Од компанијата информираат дека инсталирана е нова современа технолошка опрема за пакување тост лебовите на парчиња, а целта е модернизација на процесот, но и унапредување на квалитетот и зголемување на безбедноста на производот. Оценуваат дека примената на новата технолошка опрема ќе го зголеми и капацитетот на производство во оваа растечка категорија.

„Со инвестициите што ги спроведуваме во последните неколку месеци, правиме големи чекори напред во обезбедување ефикасност и одржливост на нашата компанија. Со оваа нова инвестиција, ги надградуваме нашите стандарди во создавање модерен, попрактичен и безбедно спакуван тост леб на парчиња, со врвен квалитет, сѐ со цел да одговориме на барањата на потрошувачите, што е и наш приоритет. Овие инвестиции се реализираат во тешки и предизвикувачки времиња за целото општество и светската економија и јасно го прикажуваат духот на луѓето во нашата компанија, за што сме многу горди“, велат од менаџментот на Жито Лукс.

Како што наведуваат во соопштение од компанијата, ова е втора голема инвестиција во Жито Лукс што следи по неодамнешната модернизација на производството со целосна дигитализација и автоматизација на дистрибуцијата на брашно во фабриката за леб. Посочуваат дека сите инвестиции кои се спроведени во последните години се во насока на растење и развивање на компанијата, а придонесуваат за поголем квалитет, зголемување на производните капацитети и палетата производи со цел да се одговори на растечката потреба на пазарот и барањата на потрошувачите.

(МИА)

(фото: YouTube screenshot)

Сподели!
  •  
  •  

НАЈПОПУЛАРНИ

Сподели!
  •  
  •