24.8 C
Skopje
сабота, јуни 12, 2021

Лепенки направени од мраз се топат откако ќе испуштат лек во телото

Kabtel desktop

Никој не сака да го боцкаат со игли, но многу често тоа е неопходно. Лепенки со микроигли пред некое време се појавија како безболна алтернатива, а сега истражувачи од Градскиот универзитет на Хонгконг развија нова верзија на технологија направена од мраз, која уште полесно се произведува и се користи.

Лепенките со микроигли се дизајнирани да се ставаат на кожата како фластер, а на делот залепен на кожата има многу минијатурни игли. За разлика од хиподермичките игли, кои мора да бидат доволно долги за да допрат до вените во кожата, микроиглите се пократки од 1 мм. Тоа значи дека пенетрираат многу плитко во кожата и не ги допираат нeрвните завршетоци, па затоа се и безболни.

Вообичаено иглите се направени од биоразградливи полимери кои се разложуваат и испуштаат лекови, вакцини или други терапевтски молекули, но во новата студија истражувачите од Хонгконг направиле игли од мраз. Принципот за тие крио микроигли е речиси ист. Терапевтските молекули се ставени во иглите, иако во овој случај се обвиткани со криозаштитен слој, па замрзнати. Кога иглите ќе навлезат во кожата, се откачуваат од лепенката и во телото кое ги топи го испушаат лекот.

Тимот вели дека мразот има неколку предности во однос на постојните системи. Тој е поедноставен материјал, но исто така остава помалку отпад и мразот може подолго време да ги зачува молекулите поради ниската температура. Единствениот проблем може да биде складирањето и транспортот. Во текот на тесирањето се користеле микроигли од мраз на глувци болни од рак. Откриле дека имунолошкиот одговор на телото на микроиглите од мраз е многу подобар отколку на традиционалните игли или иглите од полимери.

(New Atlas)

(фото: YouTube screenshot)

Сподели!
  •  
  •  

НАЈПОПУЛАРНИ

Сподели!
  •  
  •