19.8 C
Skopje
сабота, јуни 12, 2021

LG од денес официјално престанува да произведува мобилни телефони

Kabtel desktop

Компанијата LG во април соопшти дека излегува од бизнисот со мобилни телефони, а со оглед на тоа дека потребно е време за гаснење на сите операции, денес е последниот ден од производството на смартфони и таблет компјутери во компанијата.

LG ќе продолжи да нуди поддршка за постојните уреди, а премиум моделите имаат три години софтверска поддршка. Некои модели, меѓу кои и мобилните телефони од серијата Q, ќе добијат Android 12, додека најновите премиум модели ќе отидат чекор напред до Android 13.

Фабриката на LG Electronics во Виетнам, каде што се произведува најголем дел од телефоните на LG, ќе биде трансформирана во фабрика за апарати за домаќинство. LG веќе ја заврши транзицијата на некои од своите производни капацитети за вработените во фабриките за телефони да си ја задржат работата. Останатите работници од производните линии за мобилни телефони ќе добијат нови задачи до крајот на јули.

Фабриката во Хаипхонг почна со работа во 2015 година и произведува ТВ уреди и апарати за домаќинство. Сестринските компании LG Innotek и LG Display произведуваат камери и екрани на таа локација. LG е ба оат да стане најголем производител на апарати за домаќинство во светот, а продажбата во вториот квартал од годинава е навистина е голема и изнесува 6,3 милијарди долари.

(Klix.ba)

(фото: Flickr)

Сподели!
  •  
  •  

НАЈПОПУЛАРНИ

Сподели!
  •  
  •