-1.2 C
Skopje
среда, декември 1, 2021

ФИТР ја креира првата Национална стратегија за вештачка интелигенција во земјата

Kabtel desktop

На иницијатива на Фондот за иновации и технолошки развој од денеска работна група ќе учествува во креирање на првата Национална стратегија за вештачка интелигенција во државата. Во работната група се вклучени домашни експерти, но и Македонци кои се глобално признаени професионалци од оваа област и работат во светски познати компании и универзитети.

– На стратегијата ќе работат Татјана Митевска (Аспиегел СЕ), Бисерка Шемовска (Менаџер за развој на бизнис и раководител на Академијата за вештачка интелигенција, Семос Едукација), Илија Лалковски, (Веб Фактори) Јасмина Мајстороска (Министерство за економија) Никица Кусиникова и Виктор Мирчевски (Здружение Конект), Ѓорѓи Маџаров (МАСИТ), Бардил Јашари (Фондација Метаморфозис), Ангел Џеков и Петар Фидановски (МИОА), Светлана Кордумова (Пиксајл), Христијан Ѓорески (ФЕИТ), Петре Ламески (ФИНКИ), Андреј Дамески и Филип Петровски (Дата мастерс), информираат од ФИТР.

Директорот на ФИТР, Коста Петров истакна дека вештачката интелигенција ќе биде во фокусот на работата на Фондот и оти неодамна заврши и првиот јавен повик на ФИТР за дигитален асистент базиран на вештачка интелигенција. Следната година предвидено е да се креира посебен инструмент за поддршка на стартап компаниите кои работат со вештачка интелигенција во државата.

– Во целиот процес на креирање на нови иницијативи на оваа тема, ќе биде вклучен и словенечкиот Институт „Јожеф Стефан“ со кого ФИТР наскоро ќе потпише Меморандум за соработка, посочи Петров.

Со креирањето на стратегијата, тој додаде дека ќе им се даде шанса на многу домашни, иновативни стартап компании да ги реализираат своите идеи и проекти, соодветно образование како и современа опрема.

Сподели!

НАЈПОПУЛАРНИ

Сподели!