Само два месеци после првиот лет, авионот Spirit of Innovation нa Rolls-Royce постигна брзина од 623,4 км/ч, со што го сруши светскиот рекорд за електрични авиони. Исто така, постигна најголема брзина од 555,8 км/ч на патека од 3 км и најкратко време до изгиднување во висина од 3.000 метри за 202 секунди.
Рекордите допрва треба да бидат сертифицирани, но ако брзината од 623,4 км/ч е точна, тогаш се надминува моменталниот рекорд од 342,7 км/ч кој го држи Siemens Extra 330LE.
Rolls-Royce ги испрати резултатите од тестирањето на сертифицирање до организацијата FAI (Fédération Aéronautique Internationale – Меѓународна федерација за авијација), која е задолжена за светските рекорди во воздухопловството.
Spirit of Innovation има мотор од 400 kW (535 KS) и 750 волти, а од Rolls-Royce велат дека користи погонска батерија со најголема густина која кога било е постигната во аеронаутиката и се состои од дури 6.480 ќелии.
(Vidi.hr)
(фото: YouTube)
