Најбогатиот човек во светот, Илон Маск, минатата недела го претстави парфемот Burnt Hair на своите следбеници на Twitter и напиша дека тоа е производ на неговата компанија за подзмени тунели The Boring Company. Неколку дена подоцна почна официјалната продажба на парфемот преку нивната веб страница.
Илон Маск е познат по тоа што продава производи кои немаат врска еден со друг. Најпрвин продаваше фрлачи на пламен по цена од 500 долари и од нив собра 10 милиони долари. Потоа продаваше текила Teslaquila по цена од 420 долари за шише. Додека неговата компанија The Boring Company продава и капи, компанијата за електрични автомобили Tesla има повеќе производи. Исто како и веб страницата на Tesla, и страницата на Boring Company ќе прифаќа доџкоин како средство за плаќање.
Никој не знае како мириса парфемот затоа што првите пратки ќе бидат доставени идната година. Досега од парфемот во преднарачка се купени над 20.000 шишиња парфем, што е само потврда за тоа колку луѓе му веруваат на Маск. За само 24 часа Маск собра над 2 милиони долари од нарачки и тоа во индустрија каде што нема никакво претходно искуство.
Маск дури и се пошегува на Twitter дека луѓето мора да го купуваат неговиот парфем за тој да собере пари и да го купи Twitter.
(Interesting Engineering)
(фото: Twitter)
