Последните години се повеќе слушаме за загадувањето на животната средина и на Земјата, но дали сте слушнале за светлосно загадување. Во светот се повеќе се зборува на оваа тема и а влијанието на светлосно загадување врз животната средина и врз дравјето на луѓето, како и губењето на ноќното небо како културен и природен ресурс.
За да преземе нешто во врска со тоа владата на Нов Зеланд воведе низа мерки за промовирање на туризмот на темното небо и заштита на своето ноќно небо. Всушност, Нов Зеланд има за цел да стане нација на темно небо со сертификат од Меѓународното здружение на темно небо. Ова е цел без преседан за земја со големина на Нов Зеланд. Оваа иницатива ја предводат Маорите, автохтон народ од Нов Зеланд, сакајќи да ја прошират свеста за еколошката и културната важност на зачувувањето на ноќното небо.
Ако досега не сте слушнале за ова движење, станува збор за кампања за намалување на светлосното загадување.Да се стане најголема светска нација на темно небо може да има и битен економски бенефит за Нов Зеланд затоа што астротуризмот е растечка индустрија која привлекува посетители од целиот свет.
А што ќе биде кога Нов Зеланд ќе стане нација на темно небо? Нацијата на темно небо е земја која преела мерки за да го заштити и да го зачува ноќното небо со намалување на светлосното загадување и промовирање на одговорна практика на осветлување. Ова вообичаено вклучува примена на стандарди и прописи за осветлување за да се намали влијанието на вештачкото светло врз животната средина и здравјето на луѓето, но и за промовирање на туризмот и образованието на оваа тема.
И покрај релативно ниското светлосно загадување на Нов Зеланд, се очекува дека овие амбициозни напори да се намали светлосното загадување ќе траат најмалку три години.
(Bizlife)
(фото: Flickr)
