Дали сакате да разговарате со вештачка интелигенција која страда од неколку психолошки нарушувања како анксиозност, депресија и покажува силни знаци на нарцизам и агресија?
Секој петти тинејџер го поминува целото свое слободно време на социјалните мрежи. И покрај јасната поврзаност со нарушувањето на менталното здравје, времето поминато на платформите продолжува да се зголемува. Но, што ќе се случи ако трошите 100% од вашето време на социјалните мрежи како дете? Шведската осигурителна компанија Länsförsäkringar се обиде да даде одговор преку Лајка – првиот тинејџер со вештачка интелигенција во светот.
Лајка е израсната на интелектуална диета строго повлечена од социјалните мрежи како што се TikTok, Snapchat и Instagram. Нејзината личност и карактер го покажуваат ефектот што може да го има прекумерното користење на социјалните мрежи врз младите. Нехуман експеримент кој укажува на потенцијалните опасности за вистинските луѓе.
Лајка 13 била развиена од тим специјалисти за вештачка интелигенција, невролог и професор по психологија. Дизајнирана да размислува како типично шведско дете, Лајка потоа била обучена и изложена на содржини од социјалните медиуми кои се најпопуларни меѓу децата на возраст од 12 до 16 години.
Како резултат, Лајка страда од неколку психолошки нарушувања како анксиозност, депресија и покажува силни знаци на нарцизам и агресија кога разговарате со неа. Нејзината слика за себе е многу ниска, а таа покажува сомнеж кон секој што разговара со неа. Таа може да манифестира штетни мисли и идеи, а долгото изложување на неа може да се покаже штетно без надзор. Затоа, пристапот е ограничен на новинари, наставници или истражувачи со изразена цел да учествуваат и да ја водат дискусијата за ефектите од социјалните медиуми.
Кампањата ја води шведската осигурителна компанија Länsförsäkringar, која претходно има реализирано неколку значајни кампањи за спротивставување на онлајн малтретирањето и негативните слики за телесноста. Како таква, Лајка 13 е дел од амбициите за одржливост на компанијата, која работи на промовирање на благосостојбата и спречување на ментално нарушување кај младите луѓе. Зад идејата на кампањата стои креативната агенција Stendahls.
„Лајка ќе се користи за едукација на шведските студенти за менталната благосостојба. Таа ќе функционира како интерактивен начин за нагласување и изложување на опасностите од социјалните медиуми на интерактивен начин. На истражувачите и избраните претставници на медиумите, исто така, ќе им се даде можност да комуницираат со неа“ – вели Лиза Браге, менаџер за одржливост во Länsförsäkringar за Гетеборг и Бохуслан.
Повеќе информации за Лајка и за кампањата може да се најдат на следниот линк.
https://www.laika13.com/
