Во Кина во последните 12 месеци пошумени се 2,67 милиони хектари и засадена трева како дел од главната програма за зазеленување, покажаа официјалните податоци.
Националната управа за шумарство и пасишта минатата недела објави дека во рамките на Програмата за заштита на три северни шумски појаси (TSFP), вкупно 56 проекти започнале со изградба од јуни 2023 година, вклучително и проекти во двете песочни области, Хуншандаке и Маовусу.
Кина е меѓу земјите со најголема дезертификација, а нејзините пустини главно се наоѓаат на северозапад, север и североисток на Кина – што се нарекува „три севери“.
TSFP, најголемата програма за пошумување во светот, започнала во 1978 година и планирано е да биде завршена до 2050 година. Програмата има за цел да ги рехабилитира и да гии позеленува местата склони кон дезертификација и пустинските терени во областа „три севери“.
Во јуни 2023 година Кина предложи TSFP да се претвори во целосно функционален и непробоен „зелен Кинески ѕид“ и еколошката безбедносна бариера во северна Кина.
Администрацијата објави дека ја зајакнала политичката поддршка за програмата во изминатите 12 месеци, со мерки за организирање на издавање посебни државни обврзници, обезбедување посебни субвенции, гаранција за користење на водата и подобрување на финансиските услуги.
Во иднина ќе се направат поцврсти напори за да се обезбеди стабилно снабдување со садници и семиња од трева, да се промовира фотонапонската контрола на песокот и други нови модели и да се зајакнат иновациите во поврзаните технологии, соопшти администрацијата.
(Bizlife)
(фото: Pixnio)
