Според новата анализа на Kaspersky, речиси две третини од 193 милиони анализирани лозинки биле пробиени за помалку од 60 минути, а речиси половина за помалку од 60 секунди.
Методот што се користи за да се направи ова се нарекува паметен напад со „брутална сила“, каде што хакерите создаваат алгоритам и потоа ги пробуваат сите можни комбинации за да ја најдат точната лозинка.
„Алгоритмите за овој тип на погодување се обучуваат на големи бази на податоци со лозинки со цел да се пресмета веројатноста за повторување на некои букви или бројки и да се испробаат различни комбинации“, велат од споменатата антивирусна компанија.
Иако е доста популарен, пристапот со брутална сила сè уште не е толку ефикасен како некои други алгоритми за пробивање лозинки од едноставна причина што е доволно да се додадат елементи како што се името или датумот на раѓање на „паметната претпоставка“ за значително да се забрза процесот.
Генерално, анализата покажува дека 10% од лозинките можат да се пробијат на овој начин во која било временска рамка, но тој процент драстично се зголемува кога на методот ќе се додаде „паметното погодување“ – до дури 45% со овој алгоритам.
(B92)
(фото: Wikimedia)
