Архитектонско студио од Исланд предлага употреба на лавата како градежен материјал. Студиото Arnhildur Pálmadóttir од s.ap architects ќе го претстави својот проект Lavaforming на Архитектонското биенале во Венеција следната година.
Тимот, кој е специјализиран за одржливост и циркуларност во градежништвото, истражува како да ја претвори вулканската супстанција во одржлив структурен материјал. Arnhildur Pálmadóttir го гледаат овој процес како начин да се претвори локалната закана во вреден ресурс.
Lavaforming ќе биде дел од националниот павилјон на Исланд на 19-та меѓународна изложба за архитектура во Венеција следната година. Проектот е „предлог за тоа како бруталната сила на лавата може да се претвори во вреден ресурс, способен да ги намали атмосферските емисии преку неговата идна употреба како одржлив градежен материјал“, велат од Arnhildur Pálmadóttir.
Компанијата е номинирана за награда за животна средина на Нордискиот совет за 2024 година за интердисциплинарна соработка во архитектурата и нејзиниот фокус на градежни материјали што може да се рециклираат.
Поради исклучителната геолошка локација на Исланд на јазот меѓу две тектонски плочи предизвикува честа сеизмичка активност, вклучително и создавање на големи полиња со лава. Низ историјата, вулканската активност на островот се сметала за локално нарушување и закана за заедниците.
Наместо тоа, од Arnhildur Pálmadóttir сакаат да ја трансформираат лавата во „ресурс кој ќе се справува со глобалната вонредна состојба“.
„Во нашиот проект, кој е сместен во 2150 година, го искористивме протокот на лава, исто како што направивме со геотермалната енергија 200 години порано во Исланд. Главната цел на Lavaforming е да покаже дека архитектурата може да биде силата што ја преиспитува и обликува нова иднина со одржливост, иновации и креативно размислување“ велат од Arnhildur Pálmadóttir.
Проектот кој ќе биде претставен на биеналето сè уште е теоретски предлог, но Arnhildur Pálmadóttir има амбициозна визија за вулканскиот ресурс.
„Текот на лавата може да содржи доволно градежен материјал за да се издигнат темелите на цел град за неколку недели без штетно рударство и производство на необновлива енергија. Темата е и предлог и метафора – архитектурата е во промена на парадигмата, а многу од нашите сегашни методи се сметаат за застарени или штетни на долг рок. Во нашата сегашна неволја треба да бидеме храбри, да размислуваме на нови начини, да гледаме на предизвиците и да ги најдеме вистинските ресурси“, велат од компанијата
(EuroNews)
(фото: )
