Google лансираше нова експериментална алатка за вештачка интелигенција, Learn About, која првенствено е насочена кон образованието и со тоа се разликува од другите чет-ботови како Gemini и ChatGPT. Изграден е на моделот на Google LearnLM AI, за кој велат дека е заснован на едукативни истражувања и прилагоден на начинот на кој луѓето учат.
Во основа, Learn About работи како и другите чет-ботови со вештачка интелигенција, што значи дека имате поле каде ги пишувате вашите прашања, по што ќе добиете одговори, но на малку поинаков начин од стандардните чет-ботови.
Во своите одговори, Learn About ќе ви понуди слики и дополнителни содржини од образовни сајтови, наместо содржини од Wikipedia и слични онлајн енциклопедии. Накратко, дополнителната содржина во одговорите е повеќе фокусирана на учење отколку на основни факти и дефиниции.
За жал, експерименталната алатка за вештачка интелигенција на Google сè уште не е достапна овде, така што не можеме точно да ви кажеме како функционира, но одвреме-навреме можете да проверите кога ќе биде достапна за проба преку оваа врска.
(Vidi.hr)
(фото: Google)
