Златнаta виза на Обединетите Арапски Емирати (ОАЕ) им дозволува на поединците да живеат во земјата десет години без потреба од обновување на визата или спонзорство. Како дел од иницијативата за поддршка на креаторите на содржини, ОАЕ започнаа нова програма наречена Golden Visa за влијателни и креатори на дигитални содржини, нудејќи им десетгодишен престој. Оваа програма е дел од неодамна основаниот Creators HQ, центар за инкубација кој има за цел да им помогне на креативните поединци да го прошират своето глобално влијание.
Програмата е отворена за различни таленти, вклучувајќи: инфлуенсери на социјалните мрежи, креатори на дигитални содржини
подкастери, визуелни уметници, како и за професионалци од креативната индустрија, како што се маркетинг и рекламни агенции, музички и медиумски продуценти, студиа за анимација, брендови за мода и начин на живот.
Како што изјави Мохамед Ал Гергави, министер за прашања на кабинетот на ОАЕ: „Нашата главна цел е да ги собереме глобалните креатори на содржини во ОАЕ, каде што ќе добијат поддршка, пристап до инвеститори и финансирање, за да го унапредат и да го прошират својот досег“.
Програмата има воспоставено партнерства со водечки светски брендови како што се Мета, ТикТок и Х (поранешен Twitter). Членовите на оваа програма добиваат ексклузивни поволности, вклучувајќи: помош во процесот на аплицирање за Златна виза, поддршка за преместување, како и регистрација и основање компанија.
Creators HQ планира да привлече 10.000 инфлуенсери во ОАЕ и да ја позиционира земјата како водечка дестинација за дигитални медиуми, пишува The Week.
Сите заинтересирани, вклучувајќи инфлуенсери, филмаџии, фотографи, писатели и други креатори на содржини, можат да аплицираат преку официјалната веб-страница на Creators HQ. Процесот вклучува пополнување на апликација на веб-локацијата, проследена со преглед на апликацијата од страна на тимот на Creators, кој ќе процени дали кандидатот ги исполнува условите за Златна виза во категоријата Креатори на содржини и креативни таленти.
Доколку биде одобрен, кандидатот ќе добие е-пошта со јасни упатства за следните чекори за финализирање на процесот на виза. Оваа уникатна програма претставува можност за креаторите од целиот свет да добијат долгорочна поддршка, да ги развиваат своите проекти и да се пласираат на глобално ниво од ОАЕ.
(The Week)
(фото: Good Fon)
