Ако се очекуваше некој да го запознае светот со првиот кунг-фу робот, тој несомнено би бил лулката на оваа боречка вештина – Кина. Така, кинеската компанија за роботика Unitree објави видео од својот хуманоиден робот, кој изведува кунг-фу, демонстрирајќи подобрени способности за рамнотежа и движење.
Видеото од компанијата со седиште во Хангжу, Кина, го покажува роботот G1, кој изведува боречки вештини додека оди по улица. Unitree тврди дека неговото најново ажурирање на алгоритам му овозможува на хуманоидот да учи и да врши речиси секое движење.
Воведен во август 2023 година, G1 има цена од 14.800 евра и има спојници на погонот низ рацете, нозете и торзото, овозможувајќи 23 степени на слобода. Претходно овој месец Unitree покажа и снимки од G1 и подобриот модел H1, покажувајќи ги нивните нови способности. G1 беше виден како трча, се движи по нерамен терен и одеше природно, додека H1 изведуваше синхронизирана рутина со човечки танчери.
Неколку глобални компании, вклучувајќи ги Honda, Boston Dynamics и Agility Robotics, инвестираат во хуманоидни роботи за да се справат со недостигот на работна сила преку автоматизирање на повторливи или опасни задачи. Tesla, Meta и OpenAI исто така влегоа во полето на роботиката.
Пазарот на хуманоидни роботи, проценет на 1,67 милијарди евра во 2023 година, се предвидува дека ќе надмине 12 милијарди евра во рок од пет години, според прогнозите на американската финансиска компанија MarketsandMarkets.
(Dnevnik.hr)
(фото: Unitree)
