Повеќе од половина од Германците ја поддржуваат забраната за користење на социјалните мрежи за млади лица под 16 години, според анкета спроведена од Институтот Инса за неделникот Билд.
Анкетата покажа дека 60% од испитаниците се за таква забрана, додека 24% се против неа. Вкупно 10% рекле дека не им е грижа, а 6% не одговориле или не се сигурни.
Анкетата доаѓа во време кога Австралија оваа недела воведе нови правила со кои се ограничува користењето на социјалните медиуми од страна на младите. Од 10 декември, децата и тинејџерите под 16 години повеќе не смеат да имаат сметки на многу големи платформи, вклучувајќи ги Инстаграм, ТикТок, Снепчет, Фејсбук, Јутјуб, Х, Редит и Твич.
Контроверзниот закон беше донесен на крајот на 2024 година и сега стапи на сила. За анкетата, институтот за истражување на јавното мислење Инса интервјуираше 1.003 лица на 11 и 12 декември.
Фото – Pexels
