И покрај сè погласните дебати за конкуренцијата, регулацијата и проширувањето на алатките базирани на вештачка интелигенција, Google останува почетна точка на интернетот за огромното мнозинство корисници ширум светот. Неговиот обем, препознатлив бренд и длабоката интеграција низ уредите и дигиталните услуги продолжуваат да ја зацврстуваат неговата доминантна позиција.
Microsoft Bing го зазема второто место, но со огромна разлика – со нешто над 4% од глобалниот пазар. Иако неодамнешните инвестиции во пребарување со вештачка интелигенција, како и силната интеграција со оперативниот систем Windows и екосистемот на Microsoft, ја зголемија видливоста на Bing, пазарната разлика со Google сè уште останува практично непремостлива.
Останатите пребарувачи делат само трошки од глобалниот колач.
Yandex задржува ограничен удел, доминантно благодарение на регионалната употреба.
Yahoo сè уште се потпира на својата постоечка база на корисници и партнерски аранжмани.
DuckDuckGo, познат по тоа што ја става приватноста на корисниците на прво место, останува споредна алтернатива, и покрај растечката свест за заштита на податоците.
Заедно, сите овие услуги сочинуваат само мал процент од вкупните светски пребарувања.
Вкупните податоци јасно покажуваат колку концентриран останува пазарот на интернет пребарување. Дури и во 2025 година, „портата кон интернет“ останува речиси целосно под контрола на една компанија – што има длабоки импликации не само за конкуренцијата, туку и за медиумите, рекламирањето и пристапот до информации во дигиталната економија.
(Investitor)
Фото – Pixabay
