Вториот пасош повеќе не е резервиран за елитата или долгите бирократски процеси. Од инвестиции во недвижнини до државјанство по потекло, некои земји нудат изненадувачки лесни начини за добивање државјанство, а некои од нив дури и овозможуваат брз пристап до патување без виза низ целиот свет.
Во свет каде што патувањето без виза, деловната флексибилност и личната безбедност стануваат сè поважни, интересот за добивање второ државјанство постојано расте.
Додека процесот на промена на вашиот пасош често се смета за долготраeн и комплициран, некои земји нудат многу поедноставни и побрзи патишта до државјанство, да речеме – полесно, преку инвестиции, потекло или пократок период на престој.
Под „лесно“ во овој случај значи дека можете да се квалификувате за државјанство едноставно со купување имот од одредена вредност, се разбира, ако имате таков капитал.
За оние кои бараат втор пасош, подобро патување без виза или нов почеток, овие земји нудат најлесни патишта до државјанство. Без разлика дали преку инвестиции, потекло или престој, следните земји го поедноставија процесот за странските државјани кои сакаат да го стекнат своето државјанство.
Доминиканска Република
Доминиканскатс Република има една од најпристапните програми за „државјанство преку инвестиција во светот. Странските државјани можат да го добијат пасошот на карипската нација преку минимална инвестиција во Фондот за економска диверзификација или купување недвижен имот, а целиот процес може да трае само неколку месеци.
Државјанството на Доминиканската Република овозможува патување без виза во повеќе од 140 земји, вклучувајќи ја и Шенген зоната. Нема услов за престој и е дозволено двојно државјанство, што ја прави оваа програма идеална за поголема глобална мобилност.
Ирска
Ако сте од ирско потекло, може да имате право на државјанство преку потекло. Ирска дозволува стекнување државјанство ако еден од вашите родители е роден во Ирска, но исто така и ако баба или дедо е роден во земјата – со задолжителна регистрација во Регистарот на родени во странство.
Ирскиот пасош дава државјанство на ЕУ и слободно движење во рамките на ЕУ. Двојното државјанство е дозволено и не е потребен јазичен тест.
Турција
Турското државјанство може да се добие преку директна инвестиција. Со купување имот вреден најмалку 400.000 долари, пасош може да се добие во рок од неколку месеци. Програмата не бара постојан престој во Турција или откажување од постоечкото државјанство.
Носителите на турски пасош имаат пристап без виза или виза по пристигнување во сè поголем број земји, а Турција активно преговара за нови договори за понатамошно проширување на патните бенефиции.
Португалија
Португалската „златна виза“ е една од најпопуларните програми во Европската унија. Таа нуди пат до државјанство по пет години законски престој, под услов апликантот да ги исполни сите барања, вклучително и положување на основен испит по португалски јазик.
Преку инвестиции во фондови за ризичен капитал или недвижности, Португалија нуди флексибилни опции за стекнување државјанство на ЕУ. Двојните државјани уживаат патување без виза и бесплатен пристап до Шенген зоната.
Вануату
Државјанството на Вануату се доделува преку програма за помош за развој, а процесот е исклучително брз – пасош може да се добие за помалку од два месеци со минимална инвестиција во владини средства. Оваа тихоокеанска земја нуди пристап без виза во над 100 земји и не наплаќа данок на капитална добивка или данок на приход остварен во странство, што ја прави привлечна за оние кои бараат брзо државјанство со минимални обврски.
Италија
Италијанското државјанство по потекло сега е во голема мера ограничено на оние чиј родител или баба или прадедо е роден во Италија. Закон донесен во 2025 година ја отстрани можноста за стекнување државјанство преку прадедо или прапрадедо или подалечен предок.
Апликантите мора да достават документација што докажува директна семејна врска со италијански предок, вклучувајќи извод од матична книга на родените, како и документи за брак и натурализација што ја следат семејната линија.
Откако ќе се добие, италијанското државјанство носи целосни права во Европската унија, патување без виза и можност за пренесување на државјанство на деца родени во странство. Нема ограничување за бројот на државјанства што едно лице може да ги поседува, ниту пак е потребен јазичен тест за апликации засновани на потекло.
Иако овие програми често се претставуваат како најлесни начини за стекнување државјанство, важно е да се има предвид дека секоја од нив носи свои услови, трошоци и законски обврски.
Внимателното информирање, проверката на законските измени и долгорочното планирање се клучни чекори пред да се донесе одлука за втор пасош, кој може да отвори многу врати, но бара одговорен пристап.
(Kamatica)
