Секој што ја посетил Барселона барем еднаш знае зошто е еден од најпосетуваните градови на планетата. Сепак, каталонската престолнина е во фокусот на светските медиуми во изминатата година не поради својата убавина, туку поради жестоките антитуристички протести, што кулминираа во летото 2025 година.
Проблемот? Барселона не може да се справи со кризата со домувањето. Локалните жители повеќе не можат да си дозволат кирија, па градот веќе најави радикална забрана за изнајмување на сите станови на туристи до 2028 година. Најновиот чекор во оваа борба е значително зголемување на цената на таксито.
Од април оваа година туристите ќе мора да платат двојно повеќе за секоја ноќ во градот. Целта е јасна: да се намали притисокот од посетителите пред почетокот на шпицот на летната сезона.
Еве како ќе изгледа тоа во пракса:
Краткорочни станови за изнајмување: Таксата скока од 6,25 евра на максимум 12,50 евра по ноќ
Хотели со 4 ѕвездички: Ако планирате викенд (две ноќевања), сметајте на дополнителни 45,60 евра данок за две лица. Тоа се над 11 евра по лице за една ноќ
Хотели со 5 ѕвездички: Луксузот ќе чини 15 евра по лице за секоја ноќ
Интересно е што екологистите го кренаа гласот затоа што една група останува „под радарот“: патниците на крстосувачките бродови. Нивниот данок останува на скромни 6 евра по ноќ, и покрај фактот дека масовното пристигнување на бродови врши најголем товар врз инфраструктурата на стариот град, објавува Time Out.
Барселона едноставно повеќе не сака било какви туристи, туку оние кои се подготвени да платат висока цена за својот престој. Доколку планирате патување во Каталонија оваа пролет, бидете подготвени вашиот буџет за градски одмор сериозно да биде тестиран пред дури и да ја испиете вашата прва сангрија на Ла Рамбла.
(Kamatica)
