Луксузниот хотел Бурџ Ал Араб во Дубаи ќе биде затворен за време на големата 18-месечна реконструкција, потврди хотелот. Сопственикот на хотелот „Џумеира груп“ објави дека работите ќе се изведуваат во фази во текот на следната година и пол, а проектот за реновирање го води парискиот архитект за ентериер Тристан Оер. Иако компанијата официјално не прецизираше дали хотелот ќе биде целосно затворен за време на работите, извор од хотелот наведува дека објектот привремено ќе ги прекине операциите. Ова претставува прва реконструкција откако хотелот беше отворен во 1999 година.
На гостите кои веќе имаат резервации ќе им биде понуден алтернативен смештај во блиските хотели од портфолиото на „Џумеира груп“, додека се нагласува дека планираниот период на затворање може да се промени. Препознатлив по својата форма на едро, Бурџ Ал Араб се смета за една од најпознатите знаменитости на Дубаи и симбол на луксузен туризам во регионот.
Хотелот претрпе помала штета во февруари, откако остатоци од пресретнување на ирански дрон ја погодија неговата фасада. Сепак, хотелот тврди дека најавеното реновирање не е поврзано со тој инцидент. Групацијата „Џумеира“ не го поврза проектот ниту со актуелните геополитички настани.
Сепак, времето на почетокот на работите се совпаѓа со падот на туристичката активност во регионот, поради конфликтот што предизвика прекини во воздушниот сообраќај и намален интерес на патниците за дестинациите на Блискиот Исток.
(Klix.ba)
Фото – Pick Pik
