Путин доби дозвола од Парламентот да нападне која било земја во светот

Рускиот парламент денес усвои закон со кој ќе му се дозволи на рускиот претседател Владимир Путин да нареди напад врз која било земја во светот.

Според законот, Русија ќе може легално да испраќа војници во странство за да ги заштити своите граѓани кои се уапсени, под истрага, изведени на суд или на друг начин злоупотребени од странски држави.

„Западната правда се претвори во репресивна машина за потиснување на одлуките што не се согласуваат со оние што ги наметнуваат европските претставници. Во овие околности, важно е да направиме сè што можеме за да ги заштитиме нашите граѓани во странство“, рече претседателот на Државната дума, Вјачеслав Володин.

Путин сега има две недели да го потпише законот. Се очекува тој сепак да го потпише.

(Byka.rs)