Купувачот стана сопственик на дел од скалите од 1889 година, кога Ајфеловата кула беше завршена. Спирален сегмент од оригиналното скалиште на Ајфеловата кула е продаден за повеќе од 450.000 евра на аукција во Париз. Купувачот, кој беше присутен во аукциската сала, стана сопственик на дел од скалите со 14 скали, високи 2,7 метри и тешки 1,4 тони од 1889 година, кога беше завршен споменикот што се извишува над центарот на Париз.
Кога купувате парче од Ајфеловата кула, купувате парче од Париз, заедно со целата имагинација и симболика што ја претставува – изјави Сабрина Дола, директорка за дизајн во арт деко стил во париската аукциска куќа Арткуриал, каде што се одржа продажбата.
Пред повеќе од четири децении, вкупно 160 метри скали беа исечени на помали парчиња и продадени, заменети со лифтови што денес ги транспортираат посетителите до највисоката платформа за набљудување на Ајфеловата кула.
Лотот продаден во четврток достигна цена од 450.160 евра, три пати поголема од горната граница на проценетата вредност пред продажбата од 120 до 150.000 евра. Во 2008 година, еден дел беше продаден на приватен американски купувач за рекордни 550.000 евра.
(Kamatica)
Фото- Stock Foto
