Повеќе од половина од граѓаните на САД се плашат дека развојот на вештачката интелигенција може да доведе до губење на работата за нив или за некој во нивното домаќинство, покажа анкета објавена вчера. Анкетата на Reuters и компанијата IPSOS, спроведена на повеќе од 4.500 возрасни лица низ САД, покажа дека 53 проценти од испитаниците ја делат оваа загриженост, додека 37 проценти рекле дека не се загрижени за такво сценарио, а преостанатите 10 проценти немаат мислење или не одговориле на прашањето.
Анализа на политичките симпатии, дури 61 процент од поддржувачите на Демократската партија се загрижени за појавата на вештачката интелигенција, во споредба со 47 проценти од оние кои велат дека ја поддржуваат Републиканската партија.
Анкетата покажа дека граѓаните со високо образование имаат поголема веројатност да користат вештачка интелигенција. Половина од испитаниците со факултетска диплома рекле дека редовно користат алатки за вештачка интелигенција, додека уделот кај оние без факултетска диплома е 34 проценти.
Вкупно 73 проценти од Американците изјавиле дека се загрижени за зголемената употреба на вештачка интелигенција, што е зголемување во споредба со 68 проценти во слична анкета спроведена во 2023 година.
(Byka.com/Reuters)
(фото: Easy Peasy AI)
