Американскиот претседател Доналд Трамп повторно им се закани на европските земји со воведување царини од 100%, овој пат поради можното воведување данок на дигитални услуги за американските компании. Во изјава за Truth Social, Трамп рече дека голем број европски земји ја разгледуваат оваа опција.
„Некои од овие земји се блиску до тоа. Ве молам, дозволете оваа изјава да послужи како потврда дека секоја земја што ќе воведе таков данок веднаш ќе се соочи со царина од 100% на сите стоки испратени во Соединетите Држави“, рече тој.
Тој, исто така, истакнува дека оваа царина ќе ги замени сите трговски договори со земјите.
„Овие царини ќе ги заменат трговските договори склучени со таа земја, без оглед на тоа дали се имплементирани, потпишани или не. Покрај тоа, царини од 100% ќе бидат воведени веднаш ако продолжат“, заклучи Трамп.
Фото – Digwatch
