Hyundai Motor Company и Kia Corporation ја претставија Plasma Care UVC, првата технологија за дезинфекција на возило во светот која користи плазма ламба за дезинфекција на кабината на возилото и намалување на непријатните мириси, дури и додека се присутни патниците.
За разлика од конвенционалната ултравиолетова стерилизација, која може да претставува ризик за кожата и очите при директна изложеност, новоразвиената Plasma Care UVC, развиена од Hyundai Motor и Kia, користи ултравиолетова C (Far-UVC) светлина во опсег од 200 до 230 нанометри (nm).
Оваа специфична бранова должина обезбедува висока енергија за ефикасен ефект на дезинфекција, додека нејзината ограничена длабочина на пенетрација е дизајнирана да остане на надворешниот кератин слој на човечката кожа, без да достигне подлабоки слоеви. Спротивно на тоа, бактериите и вирусите ja немаат оваа заштитна бариера, дозволувајќи таа светлина да навлезе и да ја уништи нивната ДНК.
Со ефикасно таргетирање на бактериите и микроорганизмите, Plasma Care UVC исто така помага во елиминирањето на супстанциите што предизвикуваат мириси произведени за време на нивното размножување, создавајќи поудобна средина во кабината.
Hyundai Motor и Kia успешно ја адаптираа технологијата Far-UVC за употреба во кабините на возилата преку развивање на компактен, издржлив систем напојуван од специјализирана плазма ламба и подобрен со напредни безбедносни контроли.
Додека конвенционалниот UVC (255–280 nm) е ограничен на затворени простори – како што се стерилизатори за четки за заби и прегради за ракавици на возила – бидејќи директната изложеност на човекот на оваа бранова должина може да биде штетна, светлината UVC од 200 до 230 nm е наменета за употреба во средини како што се болници и училишта.
Сепак, примената на таа UVC на отворени простори на кабините на возилата бара решавање на неколку клучни предизвици, вклучувајќи го ограничениот простор во кабината во споредба со типичните собни средини, високите концентрации на електронски компоненти и близината до патниците.
За да се надминат овие предизвици, Hyundai Motor и Kia имплементираа извор на светлина базиран на плазма. Беше усвоена плазма ламба за генерирање на Far-UVC (200–230 nm) бранови должини, кои се тешки за постигнување со конвенционалната LED технологија, развиена имајќи ги предвид преполните средини во кабините, а воедно поддржувајќи ефикасен третман и дезинфекција на кабината.
Системот е оптимизиран за употреба во возило со намалување на неговата големина, а воедно и подобрување на енергетската ефикасност во споредба со конвенционалните системи дизајнирани за поголеми простори како што се болници и училишта, а беше обезбедена и сигурна работа под вибрации, температурни флуктуации и тешки услови на возење.
За да се потврди ефикасноста на технологијата, Hyundai Motor и Kia спроведоа разни тестови – од евалуации на компоненти до евалуации на целото возило – во соработка со сертифицирани тела за тестирање и специјализирани истражувачки институции.
Во комора од 8 кубни метри под контролирани услови што ја симулираат околината во кабината на возилото, тестовите од Корејската лабораторија за тестирање (KTL) потврдија намалување од 96,8% на вирусите што се пренесуваат во воздухот во рок од 30 минути, демонстрирајќи го потенцијалот на системот да ја подобри хигиената низ целата кабина.
Заедничката студија со Центарот за земјоделство и биолошки науки на Националниот универзитет во Сеул покажа дека, под услови на тестирање, изложувањето на бактериите што предизвикуваат пневмонија на далечна UVC светлина преку Plasma Care UVC резултираше со стапка на искоренување од 99,9% по 30 секунди, со целосно искоренување по 60 секунди.
Во соработка со Корејскиот институт за автомобилска технологија (KATECH), технологијата беше применета на Kia PV5. Тестот потврди стапка на искоренување од 99,9% за Escherichia coli (E. coli) по 40 минути зрачење под тест услови.
За да ја воведат оваа единствена технологија во отворената кабина на возилото, Hyundai Motor и Kia ќе продолжат да спроведуваат ригорозна техничка валидација во согласност со меѓународните безбедносни стандарди пред имплементација во сериските возила.
Како што се чини, освен фактот дека ќе бидеме заштитени од вируси и бактерии во возилата, повеќе нема да има потреба од маски.
(Vidi.hr)
(фото: Monster Air)
