Најбогатите Американци штотуку завршија уште една рекордна година. Вкупното богатство на 400 најбогати Американци порасна за 1,4 трилиони долари – или 21% – во текот на изминатите 12 месеци. Сепак, и покрај овој огромен прилив на богатство, дали членовите на листата Forbes 400 го зголемија своето добротворно дарување?
Forbes повторно ги разгледа доживотните добротворни придонеси на сите лица од овогодишната листа. Утврдиja дека додека нивното богатство растело, додека нивните донации не го следеле тој чекор.
Збирно овие 400 ултрабогати милијардери донирале најмалку 366 милијарди долари во добротворни цели во текот на својот живот. Во апсолутни бројки, тоа е за 47 милијарди долари повеќе од минатата година. Сепак, кога се мери како процент од нивното богатство, членовите на Forbes 400 всушност се помалку дарежливи отколку што биле пред една година. Тие донирале само 4,4% од своето богатство, во споредба со 4,6% во 2025 година и 5% во 2024 година.
Се разбира, некои донираат значително повеќе од другите. Токму затоа Forbes доделува оценка за доживотно дарување на секој член од листата Forbes 400. Оценката се пресметува со собирање на проценетите доживотни донации на членот со неговата нето-вредност во 2026 година, а потоа со делење на износот на доживотните донации со таа вкупна сума. Оценките се движат од 1 до 5. Оценка 1 покажува дека поединецот донирал помалку од 1 отсто од својата проценета нето-вредност во добротворни цели, додека оценка 5 значи дека донирал 20 отсто или повеќе од своето богатство.
Генерално, речиси 80% од лицата на листата добиле оценка 1 или 2. Тоа значи дека донирале помалку од пет отсто од своето богатство – највисок процент откако Forbes почна да го оценува добротворното дарување во 2020 година. Повеќе од 40% од членовите донирале помалку од 1% од своето богатство. Forbes проценува дека дури 45 члена на листата Forbes 400 донирале нула долари или сума многу блиска до таа бројка.
Forbes ги зема предвид само парите што се реално исплатени на оние на кои им е потребна помош. Тоа значи дека средствата што мируваат во фондациите не се бројат, како ниту ветените идни износи што сè уште не се исплатени. Многу милијардери имаат стотици милиони, па дури и милијарди долари „паркирани“ во фондации, а сепак, даночната служба (IRS) бара од нив годишно да дистрибуираат само мал дел од тие средства.
Веројатно е дека некои милијардери донирале повеќе отколку што Forbes успеал да документира. За 17 поединци од листата не успеале да најдат доволно информации за нивните добротворни активности, па затоа им доделиле ознака N/A, односно „не е достапно“.
Уште еднаш, Џорџ Сорос, магнат во областа на хеџ-фондовите (проценето богатство: 8,6 милијарди долари), е рангиран како најголем донатор во однос на неговото лично богатство.
Овој унгарско-американски инвеститор наведува дека донирал 24,2 милијарди долари – што претставува 74%% од неговото богатство – на американски и меѓународни организации. Ова е седма година по ред како тој ја носи титулата најдарежлив член на листата Forbes 400.
Неговите фондации Open Society Foundations имаат донирано милијарди долари на организации ширум светот посветени на човековите права и демократските иницијативи.
Сепак, во однос на апсолутната вредност, најголем филантроп е Ворен Бафет (проценето богатство: 144 милијарди долари). Тој вети дека ќе подари повеќе од 99% од своето богатство.
Заклучно со 2026 година претседателот на Berkshire Hathaway има издвоено 72,6 милијарди долари – или 33,5% од своето богатство – за четири фондации на семејството Бафет и сè до ова лето, за Gates Foundation.
Сорос и Бафет се меѓу само 13-те поединци што добиле оценка 5 за добротворна дејност. Овие исклучително дарежливи донатори сочинуваат само 3% од листата Forbes 400, но нивниот број е зголемен во однос на 11-те членови што имале оценка пет минатата година, благодарение на вклучувањето на поранешниот градоначалник на Њујорк, Мајкл Блумберг, и инвеститорот во здравствениот сектор, Мичел Рејлс, на листата.
(Forbes)
(фото: Chat GPT)
